Körper

Mit mine Niere gieng i gärn mau ga biere

U zäme mit dr Galle u der Läbere

Chli ga lalle id Wäbere

Singe es Lied us vouer Lunge

Blibe no chli lige unger mire Zunge

Wett abhase mit mir Nase uf lise Sohle gäg Wohle

Mit dr Miuz mau id Piuz

U zäme mit dr Prostata

Im Florida e Coupe ga ha

O für mi Ranze brich i e Lanze u mini Ohre han i gärn wine Moore

I han es Sehne nach mine Vene u mit den Arterie

Gieng is sogar e Wuche id Ferie

Vielech südwärts mit mim Härz

U mim Bluet

U itz isch guet